semmalar.....

அப்பொது நான் மதுரை பாரத் கட்டிடத்தில் இருந்த இன்சூரன்சு அலுவலகத்தில் பணியாற்றிக்கொண்டிருந்தேன்.எழுத்தாளர்கள் வையைச் செழியனும்(ப.ரத்தினம்) கு.சின்னப்பபாரதியும் வந்தார்கள்.அது மார்ச்சு மாதம்."செம்மலர்" என்ற மாதப்பத்திரிகை ஒன்றை ஆரம்பிக்க இருப்பதாகவும் மாலை தீக்கதிர் அலுவலகத்திற்கு வரும்படியும் கூறினார்கள்.கு.சி.பா முழுக்க முழுக்க அவருடைய பொறுப்பில் .சொந்த நிதி ஆதாரத்தில் பத்திரிகை யை நடத்துவது என்று முடிவாகியிருந்தது .ஞானபாரதி,வையைச்செழியன்,தி.வரதராசன்,த.சா.ராசாமணி,காஸ்யபன் ஆகியோர் ஆசிரியர் குசிபா வுக்கு உதவ வேண்டும்.மதுரை 1ம்சந்தில் அப்போது இயங்கிவந்த தீக்கதிர் அலுவலகத்திலேயே செம்மலரும் இயங்கும் என்று உறுதியா யிற்று. வந்த கதைகள், கட்டுரைகள், எல்லாவற்றையும் வாங்கி பத்திரப்படுத்தி திவ வைப்பார்.தீக்கதிர் அலுவலகத்திலேயே ஒரு ஜாதிக்காய் பெட்டியில் போட்டு வைப்பார்.அது தான் செம்மலர் அலுவலகம்.வையைச் செழியன்,த.ச.ரா,ஞானபாரதி,காஸ்யபன் ஆகியோர் படித்து பரிசீலித்து கு.சி.பாவின் பர்வைக்கு வைப்பார்கள்.மாதம் பதினைந்து நாள் மதுரை வந்து பிரசுரத்திற்கு உகந்த தை அவர் முடிவு செய்வார்.செம்மலர் முத ல்இதழ் அப்போதிருந்த டிரடில் மிஷினில் மெகானிக் பாலன் அவர்களால் அச்சடிகப்பட்டு வெளியில் விழ நாங்கள் பூரித்துப்போனோம். செம்மலர் நாற்பது ஆண்டுகள் முடிந்து நாற்பத்தியோன்றாம் ஆண்டில் அடி எடுத்துவைக்கிறது.தற்போது தி.வரதராசன் மட்டுமே செம்மலரோடு பழய நண்பர்களில் தொடர்ந்து பணியாற்றிகொண்டிருக்கிறார் கு.சிபா,வையைச் செழியன்,ஞானபாரதி ஆகியோர் சார்பிலும்,என் சார்பிலும்செம்மலர் பல்லாண்டு வாழ வாழ்த்துகிறேன்.