"தெய்வத் திருமகள் "---விமரிசனமல்ல ....

"தெய்வத் திருமகள்"---விமரிசனமல்ல .........

" தெய்வத்திருமகள் " திரைப்படம் பற்றி பத்திரிகைகள் விமரிசனம் ந்ல்லதாகவே எழுதியுள்ளன . அவை முக்கியமாக அந்தப்படம் ஆங்கிலப்படத்தை மூலமாகக் கொண்டு எடுக்கப்பட்டது என்றும், அதனை இயக்குனர் விஜய் குறிப்பிடாமல் விட்டது தவறு என்றும் சுட்டிக்காட்டி யுள்ளன.

பதிவர்கள் சிலரும் அப்படியே விமரிசித்துள்ளனர். ஒரு சில பதிவர்கள் கடுமையான வர்த்தைகளைப் பயன் படுத்தியுள்ளனர். ஒருசில வருடங்களுக்கு முன் 12b என்று ஒரு தமிழ் படம் வந்தது.முழுக்க ஆங்கிலப் படத்தை அடியோற்றி இருந்தது.

1949-50 ஆண்டுகளில் "ராஜி என் கண்மணி' என்றொரு படம் வந்தது. கண் தெரியாத பூ விற்பவள் மீது காதல் கொண்ட நாடோடி இளைஞன் அவளுக்காக கஷ்டப்பட்டு பணம் சேர்த்து அறுவை சிகிச்சை செய்து பார்வையை வரவழைக்கிறான். அந்தப்பெண் டாக்டரை காதலிப்பதை அறிந்து ஒதுங்கி விடுகிறான். சார்லி சாப்லின் நடித்த ஆங்கில படத்தின் நகலான இதில் ஸ்ரீரஞ்ஜனி,டி.ஆர்.ராமச்சந்திரன் ஆகியோர் நடித்தனர் . ஜெமினி தயாரிப்பு.

அலக்சாண்டர் டூமாசின் நாவல் தான் உத்தம புத்திரன். இரண்டுமுறை தமிழில் எடுக்கப்பட்டது.

"Two half times " செக் படத்தைத்தான் அமெரிக்கா கால்பந்தாட்டவீரர் பீலியை நடிக்கவைத்து மீண்டும் எடுத்தது.

அகிரா குரசொவாவின் seven samuroy தான் அமெரிக்காவின் Magnificiant seven.

இயக்குனர் ஒருவர் இந்தி,வங்காளி, மராத்தி, மலையாளப் படங்களை சுட்டு தமிழில் இயக்கி வெளியிட்டுள்ளார்.கிட்டத்தட்ட 19 படங்கள் கணக்கில் வருகிறது இவருடைய விருது வழங்கும் விழாவில் இந்த விமர்சகர்கள் கலந்து கொண்டு கும்மியடித்தார்கள்.

விக்கிரம் கடுமையாக உழைத்திருப்பதாக சொல்கிறார்கள். அவரோ எல்லாப் பெருமையும் "விஜய்" குத்தான் என்கிறார்." மதறாச பட்டினம் " சிறந்த படம் தானே.பதிவர் ஒருவர் அந்தப்படத்திற்காக தரக்குறைவாக விமரிசித்துள்ளார். சில விமரிசகர்கள் தங்கள் மேட்டிமயை காட்டவிரும்புகிறார்கள். திரைப்பட விமரிசனம் பற்றி திரைப்படக் கல்லூரிகளில் வகுப்பு நடத்துகிறார்கள். இவர்களை அங்கு அனுப்புவது பயிற்சி பெறவைப்பது தமிழ்த்திரைபட உலகத்திற்கு நன்மை பயக்கும்