Tuesday, August 05, 2014

எதை எழுத .......?

காலையில் எழுந்த உடன் என் கை பேசியில் முகநூல் பார்ப்பது வழக்கம் ! இரவு முழுவதும்"டொக்கு.டொக்கு " என்ற சத்தத்தோடு வந்திருக்கும் செய்திகளை முதலில் பார்ப்பேன் ! 

இரா எட்வின் அவர்களிடமிருந்து " தோழர் குமரேசனின் பலமும் உயிருமாக " என்று படிக்கும் போதே அதிர்ச்சியும். அவநம்பிக்கையும் தோன்ற அடுத்து டாக்டர் ரவிகுமார் சந்தேகத்திற்கு இடமில்லாமல் தெரிவித்து விட்டார் !

மதுரையில் மார்க்சிஸ்ட் கட்சியின் அரசியல் மாநாடு ! அரசரடி பேருந்து நிறுத்ததில் மக்களுக்கான கண் காட்சி ! முழுக்கமுழுக்க அசாக் அவ்ர்களின் தயாரிப்பு ! விடிய விடிய உழைத்திருக்கிறார் ! முடிந்ததும் தன இளம்மனைவி அதனை முதலில் பார்க்க வேண்டும் என்று என்று நினைக்கிறார் ! என்னிடம் என் "மெல்லுந்து" தனை தரமுடியுமா ? என்று கேட்கிறார் ! நான் அப்பொது ஒரு பழைய "விஜய் " வண்டியை ஓட்டையாகிபோனது வைத்திருக்கிறேன் ! இளம் மனைவியை அழைத்துவர சரிபட்டு வராது என்பதால் கொடுக்க வில்லை ! 

வீடு சென்று சைக்கிளில்  அம்மையாரை அழைத்து வருகிறார் ! 

அவர் முகத்தில் வெட்கம் கலந்த பெருமை ! அசாக் கம்பீரமாக என்னைப் பார்க்கிறார் !

வழுக்கையும், எள்ளும் அரிசியுமான தடியும் கொண்ட அசாக் அல்ல அவர் ! எங்கள் நாடகக் குழுவின் கதாநாயக நடிகர் ! "  ரூபா " அம்மையாரை விரும்பி வெற்றிகரமாக கரம் பிடித்தவர் !

தன கணவன் செய்து வந்த தொழிலை விட்டு விட்டு கட்சியின்முழு நேர ஊழியனாக மாறிய போது என் போன்றவர்கள் பயந்தோம் ! ஆனால் "ரூபா"அம்மையார் கஷ்டங்கள் என்ன என்று தெரிந்தும் அவருக்குபலமாக  இருந்து  வெற்றி பெறச்செய்தார் !

அன்றைய காலத்தில் கட்சிப் பணி எவ்வளவு கடினமானது   என்பதையும் எவ்வளவு தூரம் சுயத்தை விட்டுக்கொடுத்து வாழ்க்கையின் சவால்களை சந்திக்க வேண்டும் என்பதையும் உணர்ந்து செயல் பட்டவர் ரூபா அம்மையார் !

மதுரையிலிருந்து வேறோடு புடுங்கப்பட்டு சென்னை வந்ததும் மனம் கோணாமல் அசாக் அவர்களின் பின்னால் நின்று காத்தவர் !

காலமெல்லாம் காத்திருந்து மகன்கள் காலுன்றி நிற்கிறார்கள் !

சென்ற ஆண்டு அசாக் அவர்கள் உடல் நலமின்மையால் மருத்துவ மனையில் இருந்த போது அவரைப் பார்க்கச் சென்றிருந்தேன் ! அவரது இல்லம் சென்றிருந்தேன் ! எந்த சலனமும் இல்லாமல் அவரை கவனித்துக் கொண்டிருந்தார் ! 

காலை 5 மணிக்கு அசாக்கை தொடர்பு கொண்டேன் ! "நான் இதே நோயால் படுத்தபோது என்னை கவனித்துக் கொண்டார் ! நான் அவருக்கு பணிவிடை செய்வதால் எனக்கு கஷ்டமாகுமோ என்று நினைத்துவிட்டார் போலும் ! Masive Heart attack அவரை கொண்டுபோய்விட்டது !" என்றார் !

அசாக் எட்வின் கூறியது  போல் "உங்கள் பலமும் உயிரும் "அவர்தான் !

முதுமையில் தனிமை கூடாது !

நீங்கள் தனிமையில் இல்லை ! 

ஆயிரக் கணக்கான தோழர்கள்  உங்களுக்கு இருக்கிறோம் !

any way the loss is irrepairable !!!      








Monday, July 28, 2014


தோழர் சங்கரய்யாவும் ,

என் திரை உலக வாழ்க்கையும் ...!!!


1979 ஆண்டாக இருக்கலாம் ! சிகரம் செந்தில் நாதனிடமிருந்து கடிதம் வந்தது ! "யுக சந்தி "பிலிம்ஸ் "தாகம்" நாவலை திரைப்படமாக எடுக்கிறது ! முதல்  ஷெட்யுல் நாமக்கல்லில் தொடங்குகிறது ! உங்களுக்கு அதில் பங்கு இருப்பதால் உடனேயே சென்று கு.சின்னப்பா பாரதியை தொடர்பு கொள்ளவும் " என்று தகவல் !

" அன்னக்கிளி  " செல்வராஜ் இயக்கம் ! அன்னக்கிளி,பதினாறு வயதினிலே , கிழக்கே போகும் ரயில்,புதிய வார்ப்புகள் என்று பாரதி ராஜா,இளையராஜா,செல்வராஜ்மூவரும்கோடம்பாக்கத்தபுரட்டிபோட்டுக்கொண்டிருந்த நேரம் !  தாகம்  நாவலை "புதிய அடிமைகள் " என்ற பெயரில் படமாக்க முடிவாகியது ! திரைகதையை இயக்குனர் அமைக்க சின்னப்பபாரதி வசனம்! இளையராஜா இசை ! தணிகை  செல்வன் பாடல்களை எழுது கிறார் ! அன்று இரவே புறப்பட்டு விட்டென் !

கதாநாயகனாக கன்னட நடிகர் குமார ராஜா ! கதாநாயகி மறந்த இ.ஆர்.சகாதேவன் மகள்விஜயலட்சுமி ! சிலோன் சின்னையா ! நிலஉடைமையாராக காஸ்யபன் ! அவரது மனைவியாக மதுரை ஜெயந்தி ! ! மற்றும் மாதுரை மில் தொழிலாளி துரைராஜ் ! 

முதல் ஷெட்யுலில் எனக்கு வேலை இல்லை ! பத்து நாளும் சின்னப்ப பாரதிக்கு உதவியாக  இருந்தேன் !

பாரதியால் முழுமையாக வசனத்தில்கவனம்செலுத்தமுடியவில்லை ! தயாரிப்பு,நிதி ஏற்பாடு என்று மூழ்கிவிட இயக்குனரே அதனையும் பார்த்துக் கொண்டார் ! "தாகம் : நாவலிலிருந்து திரைக்கதை திசை மாறி விட்டது !

நிலச்சுவான்தாராக நடிக்கும் எனக்கு கதைப்படி ஒருமகன்புத்தி சுவாதீனமில்லதவன் ! அவனுக்கு ஒரு ஏழைப்பெண்ணை ஏமாற்றி திருமணம் நடக்கிறது !மாமனாரே  அந்தப் பெண்ணை பெண்டாள்வதாக  கதை !மருமகளை சீண்டும் காட்சி ! மாமனாராக நான் !

பத்து வருடம் பதினைந்து வருடம் கோடம்பாக்கத்தில் நடிக்க  அலைந்தும்கிடக்காத வாய்ப்பு எந்த சிரமுமில்லாமல் எனக்கு கிடைத்தாலும் இப்படி ஒருகாட்சி முதன் முதலாகவருவதை எண்ணி நொந்து நூலகிப் போனேன் !

காமிரா வளையத்திற்குள் இயக்குனர் நிற்கச் சொன்னார் ! அந்த பெண்ணை பார்த்து நான் என் கண்களில் இச்சையைக் காட்டி நேருங்க வேண்டும் என்றார் ! முதலில் சுற்றிலும் பாருங்கள் ! பின்னர் நெருங்குங்கள் ! என்றார் !

ஒத்திகை ! நான் நின்றேன் ! வலது புறம் பார்த்தேன் ! ஜன்னல் வழியாக நிறையபேர் ஷூட்டிங்கை பார்த்துக் கொண்டிருந்தார்கள் ! சங்கடமாக இருந்தது ! இடது புறம் பார்த்தேன் ! திடுக்கிட்டேன் ! அங்கு ஜன்னலருகில் ஒர்நாற்காலியில் அமர்ந்துகொண்டு ஷூட்டிங்கை பார்த்துக் கொண்டிருந்தார் தோழர் சங்கரய்யா அவர்கள் ! நாடி நரம்புகள் தளர  "ஆத்தாடி நான் வரலை " என்று கூவிக்கொண்டே ஓடிவிட்டேன் !

செல்வராஜ் ஒடிவந்து என்ன என்ன என்று கேட்டார்!" தலைவர் முன்னால் இப்படி நடிக்க  முடியாது ! என்னய்யா அநியாயம் " என்றேன் ! சங்கரய்ய அவர்களின் அண்ணன் ராமானுஜம் ! அவருடைய மகன் தான் செல்வராஜ் ! "சின்னையா" என்று கூறி  கொண்டெ சென்று அவர் கதைக் கடித்தார் !

 தலைவர் எழுந்து சென்றார் ! 

"புதிய அடிமைகள் " படத்தோடு என் திரை  உலக வாழ்க்கையை முடித்துக் கொண்டேன் !







Friday, July 25, 2014

"நமஸ்தே சதா வத்சலே மாத்ரு பூமி !!!"


மூடப்பழக்க வழக்கங்களை முடிவுக்கு கொண்டுவர தன்  வாழ்  நாள் முழுமையும் போராடியவர் டாக்டர் .நரேந்திர தபோல்கர் !

பில்லி ,சூனியம், பேய்,பிசாசு ஓட்டும் மந்திரவதிகளிலிருந்து, ஏசு  வருகிறார் ,புட்டபர்த்தி   சாய்பாபா என்ற போலிச்சாமியார் வரை ஓட ஓட விரட்டியவர் அவர் !

ஏசுவின் கண்களிலிருந்து கண்ணிர் வருகிறது என்று கூறி அதனை புனித நீராக குடிக்கும் கிறிஸ்தவர்களிடம் அது புனித நீரல்ல , மாடியில் உள்ளகழிபிடத்திலிருந்து கசியும் "கழிவு நீர்" என்று நிருபித்த "இடமருகு" அவர்களின் துணையாக இருந்தவர்" தபோல்கர் "!

மராட்டிய மாநில மூட நம்பிக்கை ஒழிப்பு இயக்கத்தின் ஸ்தாபகத் தலைவர் அவர் !  

2013ம் ஆண்டு ஆகஸ்டு மாதம் 20   நடை பயிற்சியில் சென்று கொண்டிருந்த போது அவரை சுட்டுக் கொன்றார்கள் !

மராட்டிய முதல்வர் காந்தியைக் கொன்றவர்கள் தான் தபோலகரையும் கொன்றார்கள் என்று பகிரங்கமாக அறிவித்தார் !

மூட நம்பிக்கையை ஒழிப்பதற்கான அவசர சட்டத்தையும் அறிவித்தார் !

இந்த கொலைகாரர்களைகண்டுபிடிக்க புனே நகர போலீஸ் கமிஷனர் "குலாப் ராவ்  போல் "தலைமையில்  ஒரு குழு செயல் பட்டு வருகிறது ! 

ஒருவருடம் நெருங்கி விட்டது ! அவர்களால் "கண்டுபிடிக்க" முடியவில்லை !

தற்போது புதிய முயற்சியில் ஈடுபட்டிருக்கிறார்கள் ! 

விளக்கு ஏற்றி கோலம் போடுகிறார்கள் ! அதன் முன் கோலம் போட்டு ஒருபலகையை வைத்தார்கள் ! சாமிகும்பிட்டு அதன் மெலொருகிண்ணத்தை வைத்து "ஆவி" யை வரவழைத்து "குறி "கேட்கிறார்கள் !

"Gulaab rao Pol  using  planchet to crack Narendra Dabholkar s  murder mystery " TOI - 26-7-14   

"நமஸ்தே சதா வத்சலே மாத்ரு பூமி "

(என் பிரியமான தாய் நாடே  உன்னை வணங்குகிறேன் ) 




Thursday, July 24, 2014

இந்த அதர்ம யுத்தத்தை 

நடத்துவதே அமேரிக்கா தானே .....!!!




உலகத்தின் முதல்  "அதர்மயுத்தம் " பகவான் ஸ்ரீ கிருஷ்ண பரமாத்வாவால் குருஷேத்திரத்தில் நடை பெற்றது என்று பௌராணிகர்கள் கூறுவார்கள

எப்படியாயினும் வெற்றி பெறவேண்டும் ! தார்மிக நெறிமுறைகள், எதைப் பற்றியும் கவலைப்படாமல் போர் புரிய வேண்டும் ! குழந்தைகள் ,முதியோர் ,நோயாளிகள் , என்று விதி பார்த்து பேர் நடத்த வேண்டியதில்லை ! 

அப்பாவி மக்களைப் பற்றி கவலைப்பட வேண்டியதில்லை ! நவீன கிருஷ்ண பரமாத்மாவாக அமெரிக்க ஏகாதிபத்தியம் செய்து வருவதும், உலக சண்டியர்களுக்கு உதாரணமாக  இருப்பதும் அதுதான் !

கஷ்மீரில் தீவிர வாதிகள் அப்பாவி பொதுமக்களைகேடயமாக பயன்படுத்தி ராணுவத்தை தாக்குவார்கள் ! பதில் தாக்குதலுக்கு   ராணுவம் தயங்கும் ! எதிர்த்து தாக்கினால் பலியாவது யார் பாதுகாப்புக்காக ராணுவம்வந்ததோ அவர்களுக்குத்தான் சேதம் !

ஆப்கானில் இது தான் நடந்தது ! இலங்கையில் இதுதான் கொஞ்சம் மாறி நடந்தது ! 

தரையில் மக்களை கேடயமாக பயன்படுத்துவது போய் வானிலும் மக்களை பயன்படுத்த "உக்ரைன் " ராணுவம் ஆரம்பித்து விட்டது ! 

எதிப்பாளர்கள் வசமிருக்கும் பகுதிகளைத் தாக்க வானிலிருந்து குண்டுகளை போடவேண்டும் ! எதிர்ப்பாளர்களின் தாக்குதலிலிருந்து தப்ப ஒரு கேடயம் வேண்டும் ! தன்  ராணுவ விமானத்திற்கு கேடயமாக பயணிகள் விமானத்தை பயன் படுத்தியது !

இராக்,ஆப்கன், போன்ற பகுதிகளின் வானில் பயணிகள் விமானம் பறக்க அனுமதிப்பதில்ல !

"உக்ரைன்" அரசு மட்டும்   அனுமதித்து ஏன்?

மலேசிய பயணிகள் விமானத்திற்கு பாது காப்பு என்ற பெயரில் இரண்டு ராணுவ விமானங்கள்  ஜூலை 17ம்  தேதி  சென்றதா? 

ஜூன் மாதம்  16ம்தேதி பயணிகள் விமானத்திற்கு பாதுகாப்பாக சென்ற "உக்ரைன்" ராணுவ விமானம் சுட்டு வீழ்த்தப்பட்டதா?

இந்த கேள்விகளுக்கு விடை அமெரிக்காவுக்கு தெரியும் !

சர்வ தேச விமான போக்குவரத்து மையத்திற்கு (IA tA ) வுக்கு தெரியும் !!

பிரிட்டனுக்கு தெரியும் !!!






Wednesday, July 23, 2014

"சுப்பிரமணியம் சாமி "

தானடித்த மூப்பாளர் .... !


சுப்பிரமணியம் சாமி ஒரு "தானடித்த மூப்பாளர்" என்று அமெரிக்க பதிவாளர் கணேசன் A  சுந்தர் என்பவர்  தன்னுடைய இடுகை ஒன்றில் குறிப்பிட்டிருக்கிறார் !

இதற்கு ஆதாரமாக சு .சாமி ன்   பேச்சை யும்மேற்கோள் காட்டியுள்ளார் !

பாபர் மசூதி இடிக்கப்பட்டு மூன்று  மாதம் கழித்து ஹைதிராபாத்தில் உள்ள மதினா கல்வி அறக்கட்டளையில் 1993ம் ஆண்டு மார்ச் மாதம் அவர் பேசினார் !

"ஆர்.எஸ்.எஸ்  பைத்தியங்கள் தான் இதைச் செய்தனர் ! அவர்களின் முகமூடிதான் பா.ஜ.க "

" அவர்கள் "இந்து" ஆதரவாளர்கள் அல்ல ! மாறாக முஸ்லீம் எதிர்ப்பாளர்கள் மட்டுமே "

"அரசியல் சட்டம் 370  ஐ எதிர்ப்பார்கள் ! ஆனால் 371 a பற்றி வாயைத் 
   திறக்க  மாட்டார்கள் "

"இதன் படி மிசோரம்,அரூ ணசல பிரதேசம், ஹிமாசலபிர்தேசம் , தெலுங்கானா ஆகிய பகுதிகளில் நிலம் வாங்க முடியாது என்பதை ஆதரிப்பார்கள் " 

"இந்துக்களும் முஸ்லீம்களும் இணைந்து போராடித்தான் சுதந்திரம் பெற்றோம் ! அவ்ர்கள் சவூதி அரேபிய முஸ்லிம்களல்ல ! இந்தியர்கள் "

"சோனியா காந்தி அம்மையார்  " சரஸ்வதி தேவி"க்கு சமமானவர் !"

"வாஜ்பாய் குடிகாரர் ! ஸ்திரி லோலர் "  

வாஜ்பாய் அரசை ஆதரித்தார் ! பின்னர் காங்கிரசோடு சேர்ந்து அதன கவிழ்த்தார் !

அவருக்கு அமைசர் பதவிக்கான இலாகா சரியாக கொடுக்கவில்லை என்பதற்காக !

இவரை தகாடியாவும் ,சிங்காலும் ஆதரிக்கிறார்கள் ! ஹார்வர்டில்  படித்தவர் ! வெளிநாட்டில் பிரச்சாரம் செய்ய பயன்படுவார் என்று இருவரும் நினைக்கிறார்கள் !

சரி ! மோடி ஏன் அனுமதிக்கிறார் ! மோடியப் பற்றியும் எதையாவது ஒளறிக் கொட்டினால் ! "சனியன் ஒரு மூலைல கிடக்கட்டும்" ங்கிற நினைப்பு தான் !

சு.சாமியை ஆத்திரமூட்டாம பாத்துகிடுதாங்க !

"எதையும் எடுத்தேன் கவிழ்த்தேன் " நு செய்யரவரு !  என்னிக்கு என்ன செய்வாருனு கவலைல  தான் ப.ஜ.க தலைமையும் இருக்கு !  

"ஜனதா கட்சியினுடைய அகில இந்திய தலைவராக இருந்தவரு ! தமிழ் மாநில தலைவராக முடியுமான்னு பாத்தாரு ! முடியல !

பாஜக அகில  இந்திய தலைவரு அமித் ஷா ! 

தன்னோட வாய்ப்புகளை இவர்தான் கெடுக்கிறரோ நு சு.சாமி நினைக்காராம் ! 

நினைக்கட்டும் !!! நல்லது தானே !!!!